شسوي
لگلبي هذا
الماعرف قدره
شسويله
تزاعلني..
واسامحها
وهم أرجع
واراضيها
وازعلها..
وهم
اردود أراضيها
يحن گلبي عليها
وينكسر مرات
مو مره
واحاچيها
ومره ازعل
واگول شبيَّه
دوم ارضه
ما أصبر
واراضيها
ولا مره
حقد گلبي
غشيم
ولو حقد
مره
يعاكسها
ويغازلها
ويراضيها
ماادري أحبها
مدري احن ليها
مااعرف شسوي
گليبي هم مجنون
مره يگلي
عاكسها
ويرد يگلي
جافيها
وهيه الحقد
يأخذها
ويوديها
مثل مد وجزر
كل يوم لافيها
ماتعرف
تحب يمكن
نساها الشوگ
ولا قاموس
عشرتها
محبه وشوگ
هم بيها
ويرد
الشوگ لگليبي
واحس بروحي
كل ذكرى مضت
الها وتناديها
واحس بروحي غربه
من تروح بعيد..
ومن اتصير يمي
ما أحاچيها
غريب بطبعي
وياها
أحبها هوايه
أحبها
وما أحن ليها
أدعي عليها
أخاف الدعوه
هم ترجع
على گليبي
وهم تزعل
وأرد أردود
أغازلها
وأسامحها
وأرضيها
الكاتب
زهير التميمي
21.11.2022
ليست هناك تعليقات:
إرسال تعليق