غيمة ومطر//بقلم الكاتب وزن الأصبحي

 غيمة ومطر

وعيوني وگعن بالزلك..

حابس بچي ماكو خُلُگ..

أفرش لك بساط النظر..

چن طير من إيدي تُفُر..

اشتمك أبريح المطر..

والدمع يهطل كالمطر..

ليل و خطر..

طال السفر..

حبيتك ابعد السماء..

و وسع البحر..

قضوا وكت..

أخذوا وطر....

صابوني و گلبي انفطر..

ماظل عمر..

يمته نطُر..؟

شحّ الوفه...

 مني اختفه..

حاطتني أوجوه الغُرُب..

أعثر و صيحن يا درُب..

لملمني مِطشّر عمر..

خايف اسنين من النهر..

نتلاگه و نعيد السمر؟..

باگة ورد واتفرهدت..

دمعة خجل تبچي ألم..

و عيون مشتاگه النظر..

نكبة عمر..لچمة گلب..

ظلمة الدرًب..

و شارعنا يتثاوب حقد..

بس اسمع اصياح البُعد..

ماتت الرحمة بهالعجد..

والبوب عاميها الرمد..

واهسنا لو طرّ الفجر..

جبنا العمر آه و زجر..

إمرايتنه بس تبچي قهر..

و شباچنه بس شابح نظر....

ريل وقطار ابها لليل..

قصة حمد ما تنكضي..

مضمونها سوالف هيل..

يطفح صبر عندي الكيل..

و العن أبوه هذا الليل...

الكاتب 

وزن الأصبحي.

7/8/2025