الزمان
ما نقدرش نفرط فيك
ولا نقدر نستغنى عنك .. (3)
خوفي جفاك يطول
وخوفي الزمان يمر
والحول يعقب حول
يفوتوا صفا وكدر
وما تدزلي مرسول
منك يجيب خبر
ولا يوقظك مرحول
ولا يشغلكش سفر
واليا س فيك يجول
ولوحدتك تنجر
وتنسى غلاي عليك
تنسى بكى وسهر
وتنسى صراعى فيك
تنسى الحلو والمر
اللى كنت فيه شريك
وتصبح أنت على البر
وتسيبنى للموج
يكبر فجوج فجوج
والريح تنفخ فيه
بسرعة رفى وكبر
والعمر على لكفوف
ينسابلك رقراق
وباقى ..
ماتديرش معروف
وبالفرحة توريلى سنك
وانت عارف ما نفرط فيك
ولا نقدر نستغنى عنك ...
الكاتب
ابن الحاضر.
31/3/2021
رائع وجميل ماخطت يمينك... 💐🌺💐
ردحذف