ليش يا عام واحد وعشرين
فارقتنا من بعد ما ملايين
الناس حملت بالقسا ويلات
خلت قسا الصوان قلبو يلين
ويلات خلت بالصدر خفقات
قلوبنا توقف والشرايين
متل السواقي تجف والدمات
عا خدودنا تنزل دمع مسكين
عنا رحلت عا شكل ما الورقات
عن شجرنا بترحل بتشرين
بعام الجديد حتى غصن شجرات
أعمارنا ينعم بالفساتين
ويا عامنا الشرفت عا ساحات
أعمارنا متل القسا واللين
بدنا بقسا من جونا الغيمات
تزيلها تا نجومنا الحلوين
بليالينا نشوفها تريات
تلمع متل بسماتنا الحلوين
وباللين بدنا لشمسنا بالذات
تشرق بعد غيبة أبد تخمين
علينا متل ما بتشرق الآيات
عالآمنو من عمق كتب الدين
تا فيك نرفع للنصر رايات
وننهي الحقد والبغض من القلوب
ونزرع جسور المعرفي رياحين
الكاتب
د٠ يوسف الدباك جعجع
31.12.2021
ليست هناك تعليقات:
إرسال تعليق