هو العليم اللي علّم
مين علم الوليد
يبكي في وقت الولادة؟!
وبإيديه يمسك ف شريان
الحياة
من والدته وقت الرضاعة
مين علمه يبكي في لحظات
الألم
وتدوبه الضحكة في لحظات
السعادة
مين علم الطيور تسعى وتبني
عشها؟!!
ولوليدها تأكله
وبجسارة تدفع الشر اللي
لو هاتحس بيه عن بيضها
وفرخـها
مين علم الدودة تصمم
أحلى بيت
راح تسكنه في قلب الحجر؟!
تسعى وتدور عن رزقها
في النور وأوقات السـحر؟!!
ومين علم النـملة تخزن
أكلــــها؟!!
وازاي تشيل على ضهرها
أضعاف تزيد عن وزنها
وترسم طريق وعنه
ما يتوه خطـوها
من علم الحرباية تتلون
وتتخفى بمهارة لحد ما يزول
الخطر ؟!!
بألف لـــون تخدع عيون
عدوها
مين ألهم الذكر للسان سيدنا
يونس
وفي قلب الحـــــوت خلاه
يِسَبح؟!!
ومن تسيبحاته الحـــوت بكى
وظلمة البحر الغريق
ماقدرش يسبح
ع الشط من بطنه رماه
ورجع لرب الكون يسبح
مين علم البشر...
الصناعة وبمــــــــهارة؟!!
من الابرة للصــــاروخ.....
والعربية والطيارة
إجابة الأسئلة سهلة ومش
محتاجة للتفــــــــكير
مافيش غيره خالق للكون
هو اللي علم كل مخلوق
حرفته
بنعم كتير متسخرة لكل البشر
ورضانا بكل أحكام القدر
هي السبيل لمحبته
الكاتبة
سكينة الشريف
15.6.2022
ليست هناك تعليقات:
إرسال تعليق