لسه بينا ذكريات
لو نويت تحكي اللي بينا
احكي احلى ما عيشنا فيه
اوعى تشكي م اللي فات
هو فاضل منه ايه
غير شوية ذكريات
هي طبعا مش كتيره
دول يادوب حبة ساعات
انت فيها كل حاجة
لما شوفتك في الحقيقه
باختراع ميت الف حيله
لاجل تبقي ف لحظة جنبي
حتى لو كانت دقيقة
هي بالنسبالي كافيه
عمر جي وعمر فات
طعم حبك في البداية
هو هو في النهاية
كله كان سكر نبات
تعرف الكون ده بحاله
مايساويش لو بس لحظة
جوه حضنك
حتى لو كانت سكات
يرحم القلب اللي عاش
هنا جوه منك
واللي عدى بعدك انت
وهم حاول يبقي زيك
بس مات
عشت عمري معاك وبحلم
الفراق مايجيش علينا
لو في مرة يكون ونندم
قلبك انت قبل قلبي
هيبقى شاهد
أن عمري ماجيت عليك
او جرحت في يوم عينيك
شوقي مش محتاج كلام
او تشوفه في المنام
كنت فاكرك جنتي
والنعيم هو اللي عشته
معاك زمان
مش هيجي يوم علينا
وأقول دا كان وكان وكان
انت بالنسبالي ذكرى
بس حيه
حتى لو كان اللي بينا
عاش ومات
نفسي لما تشوفني تضحك م الفرح
غصب عني وغصب عنك
لسه بينا ذكريات
الكاتب
وحيد علي الجمال
14.6. 2022
رووعة💐
ردحذف