ضمير مسطور
سألت عليك؟ انا عارف
وكنت ساعتها مستغرب!
ما انا واخد قرار صارم
رجوعي أمر مستبعد
بشوف روحي على بابك
كأني أسير بلا مهرب
إذا شافك في يوم قلبي
تقوم الدنيا ولا تقعد
برعشه تهز أجزائي
كأنه بجد متكهرب
عن الحاله اللي انا فيها
بلوم نفسي وبستعجب
دا يبقى فضول شيء
معقول
انا فسرت أفعالي
صحيح الهجر بيقرب؟!
دا يبقى جنان
سنيين مرت على فراقنا
لا زاد بُعدك عليا هموم
ولا شفتك في يوم مظلوم
ولا في حبك انا معصوم
انا عادي مانيش مصدوم
وقلبي اكيد ماهوش مغموم
ولا بيشكي على حاله
ويتوجع
ولا فكرت اكتبلك
ولا حتى اجيب سيرتك
ولا قلت ان انا محروم
ولا هطلب في يوم صورتك
ولا هسأل عليك مرة
ولا عيني على غيابك
دموعها فيك كما الجرة
إشاعة اني انا مهزوم
من الماضي اللي مش
راضي في يوم يشفع
كلام فاضي ملوهشي
أساس من الصحه
لكني بجد انا في أزمة
وإعرابي على حكايتي
ضمير مسطور على عمري
اللي صار محذوف
ومنفعشي يكون جملة
وماضي هناك بقى مرفوض
على حاضر ملوش يكتب
على سيرتك ولا كلمه
الكاتب
وحيد علي الجمال
16.6.2022
ليست هناك تعليقات:
إرسال تعليق