أخر زمن
طلعت المسا عالسوق ضجرانة
حاجة بقا هالروح حزنانة
شم الهوى وأتنفس النسمات
بلكي الحزن بيعوفني ثواني
وفجأة بجنبي مرت بنيه
حسن وحلا وخدود وردية
متل البدر ضاوي بشتوية
وعيون سود وساع دبلانة
سبحان الله اللي خلقلا هالجمال
سمرة بحسن وشو كان لابقلا الدلال
ياحيف لكن مابقي فيها رجال
حتى البنات تصير عريانه
عيون الشباب بيطلعو عليها
بفكرا أذا حلوه بيعبدوها
بوشا بيضحكو وبيسايروها
و شو صار بعد مامشت عرفانة
وشباب هالايام عالموضة
بربط الشعر عم يعملو فوضة
قصة غريبه عالشب مفروضة
يلبس مشقشق ويخون الامانة
صرنا بوقت اخر زمن غدار
لامي لاكهربا وغليت الأسعار
والناس من الفقر عم تنهار
نسيو الشريعة وال ديانة
الكاتبة
رابية الأحمد
30.6.2022
ليست هناك تعليقات:
إرسال تعليق