غزال في الحلم صحاني
********
ياحلوة ياللي جمالك
شمس وقمر تاني
يشبه بنات الحور
والكحل رباني
عدا جبال وبحور
من حلمي صحاني
خلاني الف وادور
واصرخ واقول ياني
دي عاوزة قصر وسور
ناوية على جناني
يا حلوة ياللي النور
من طلتك جاني
شكله حزين مقهور
م الصدمة بيعاني
قاللي عليا تجور
وتخونني ياأناني
وتطُب في المحظور
وتجيب عزول تاني
قلت بحق من خلقك
انا كمان معذور والحيرة
وخداني
والحلوة عايشة الدور
وجمالها سهاني
عاشق بقالي شهور
ونارها كاوياني
خلي الطابق مستور
نور ف بستاني
ياحلوة يله نغور
ونشوف مكان تاني
زعلتي مني النور
هيقيد لمين تاني
هجيب انا الحنطور
واخدك في أحضاني
محمد ابوالحسن
ليست هناك تعليقات:
إرسال تعليق