دوبي انتظار
لمي اشتياقك انا قلبي داقك
وداق فراقك المرار
لمي السنين لمى الحنين
لمي إختيارك والقرار
روحي وبعيهم واشتري. احساس يكفي الانتظار
واستني علي حد الزمن
من غير امل
يمكن غروبي يحصلك
وانا عمري جوايا اكتمل
يمكن تشوفي الضلمه بتغطي النهار
الحلم بعد مايندفن ف عيون كفن
هيفيد ب ايه لو عاش مابين جنه ونار
دوبي انتظار
لميني من عينك ثراب
انا حد غاب
دمع المطر مايطولش من تاني السحاب
حكم القدر هوا اللي له حقق القرار
وامحيني من قلبك اذا
كان ليكي قلب
لمي اللي فات والذكريات
امحيني ذنب
قولي اني حد لاحب يوم ولاحتي غار
روحي اشتهي النسيان
يشدك م الوجع
روحي اشتكي الحرمان
يجوز يطلع جدع
روحي اشتريلك جوا حضن البعد دار
فاماعادش حضني خلاص هيرضي يسكنك
ولا عادش قلب القلب منه يمكنك
ولا عادش ابدا ليكي حق لاختيار
الكاتب
محمد الروبي
13.11.2022
ليست هناك تعليقات:
إرسال تعليق