( أكبر غلطه )
لو فى الدنيا مافيش إلا إنتى
صعب تكونى ف إختياراتى
لو فى الدنيا مافيش غيرك إنتى
عمرى ما اهد بإيدى حياتى
دا إنتى كنتى
ولسه مازلتى
بالنسبالي أكبر غلطه
وقصة قلبى
فى حبك إنتى
كانت كدبه ونكته وورطه
حبك كان كدب وأوهام
كان ضعف مجرد أحلام
لو كنت أنا كملت معاكى
ماكنتش جيت خطوه لقدام
ياللى ف قربك دوقت سموم
ياللى مليتى القلب هموم
لو فاكره بعادك يكسرنى
أنا قادر أشوف وسط غيوم
إنتى ظلام الحب بعينه
وصمة عار وسط جبينه
إنتى ف عرف الحب تكونى
أسوأ كوابيسه وسنينه
جايبه الكدب دا كله منين
وشايله سواد القلب لمين
دا انا لو نسمه هزت شعرك
كنت أطاردها شمال ويمين
كرهت أسامى كتير علشانك
كرهت ورود علشان فى جمالك
كرهت أماكن مره مشيتها
عشان سكتها تجيب عنوانك
شكراً على كل جراح
شكراً على عمر وراح
شكراً ياللى غرورك قتلك
وقتلتى معاه الأفراح
غلطتى إنى إبتديت
وفى الأمانى إتماديت
صدقت قلبى إللى طاير
وعلى كل حلمى ناديت
وحسابى أنا هاخده كاش
لو قلبك مات أو عاش
هاعمل بيه مزاد خيانه
وهابيعه رخيص وبلاش
محمد سيوفى
ليست هناك تعليقات:
إرسال تعليق