شعر غنائي
مناجاة عصفور
==========
عصفور وقت السحور
بنور الفجر متحني
طاير في السما بيدور
بيسبح ربنا وبيغني
وله ع الشجر عصفور
شقشق عليه النور
جعان ومستني
يرجعله سعيد مجبور
وبرزقه متهني
بيقول يارب رزقي
عليك
والكون دا ملك إديك
اعطيني ماتحرمني
يارازق كل العباد
من غيرطلب ومعاد
ع السعي قدرني
أنا طاير بحكمتك
وعايش في دنيتك
وانت اللي ماسكني
ارزقني يارب محبتك
وازاي اشكر نعمتك
يارب علمني
ياللي فهمت سليمان
لغة الطيور والجان
يارب فهمني
ومن خيرك ماتحرمني
محمدابوالحسن
رووعة🌷
ردحذف