مادريت
أرجع وحيد..
ولا دريت جروحي
خضره
ترجع بأول طريق
تسرعت اني وگلتها
مدري هي تسرعت
مدري هو القدر
رايد نفترگ
نصير
كل روح بطريق
خلي اگولن
هيه ماتت
صدگ ماتت
واني اجيت ستوني
اجيت من الدفن
ولابس عليها السواد
خلي اقنع الروح راحت
وانسه كل ذاك الوداد
بس سوالفها
وي روحي
تصيحلي تگلي تعال
وأدري أحبها
هوايه احبها
بس عشگها
وياي مزنه
بصيف خالي
من المطر
واني صبيره
بدربها
بدون شوك
وهيه سچينه غدر
وبليله ظلمه
زهير التميمي
ليست هناك تعليقات:
إرسال تعليق