ارتجال خاص بالسهرة
*********
النخوة ضاعت ياعرب
وبقينا كلنا غدارين
لو واحد فينا بينضرب
أخوه يهيص ويقول أجين
ومش بعيد يضرب قفاه
وان طال كمان يقلعله عين
وكلنا تحت الطلب
للأجنبي وغراب البين
وبقرتنا بخيرها بتتحلب
ومن حليبها محرومين
وبلادنا بإدنا بتتخرب
وولادنا بره مشردين
وفلوسنا في أدين الديابة
على خير بلادنا مكحوشين
ومفيش مكان هنا للغلابة
غير بغايا وشحاتين
كإننا عايشين في غابة
مفيهاش مكان للطيبين
بحلم بيوم تنزل سحابة
تمحي كل المجرمين
ولايبقى بينا حد خايف
ولا حد يبات مقهور حزين
ولااسمع تاني على الشفايف
حسنة لله يامحسنين
محمد ابوالحسن
ليست هناك تعليقات:
إرسال تعليق