( ست الدار )
بقلمي/ محمد سيوفى
---------------------------
سلم يا طير في الهوا
على ست البيت المصرية
برغم الغلا والكوا
بتمَشي بيتها بتضحية
بتناكف التجار
وتحارب الأسعار
وتغزل برٕجل حمار
شاطره أصلها هيه
شايله هموم البيت
شمعه قايده وبتخلص
متقولش فين وياريت
مع إنها بتفلفص
شبعانه دايمٱ قولها
وتسيب المناب لعيالها
ويبص عليها راجلها
يلاقيها فى العضم بتمصمص
عظيمه ست الدار
أساس البيت والعيله
شاربه من كوعها مرار
وبصبرها شايله الشيله
قايده الصوابع العشره
ومحافظه كمان ع العٕشره
ومهما تشوف ف النشره
بتواصل المشوار
محمد سيوفى
ليست هناك تعليقات:
إرسال تعليق