حروف الصمت كلام ......
يمكن صح أكون غلطان
بس حقيقي مش ندمان
أصل الدنيا دي كانت طارحة
سنابل قمح و ورد كمان
فجأة خانتني
و قلبت عل الوش الخيبان
و مرة لقيتني باقول لنفسي
يلا تعالى نروح عل الماضي
تعالى شوية ننسى همومنا
و بلاش نتعصب عل الفاضي
شفتلي صورة صح قديمة
بس جميلة و روحها خفيفة
جوه عنيه الضحكة جريئة
راسمة حياة ألوانها عجيبة
و لقيت وردة كمان في كتابي
خدتني في ثانية لحتة بعيدة
شمسها غايبة بس قريبة
معاها كام كلمة حقيقي سخيفة
خطفت قلبي كدا و نفتني
جوه السرداب المتغطي
مع كام جنية بتغمزلي
حواديتهم على طول شغلتني
أصل البطلة دي كانت شبهي
على أحلامها الأيام بتعدي
سكنت فيها عشوش أوهام
جوه حروف الصمت كلام
جوه عنيها دموع و ملام
مين يفهمها و يطمنها
و يروي بإيده عطش الأيام
مين هيفسر ضحكة قلب
من وجعه باع الأحلام......
تهاني بركات ١٤ / ٥ / ٢٠٢٣
رووعة وجمال 🌹
ردحذف