نبض نخلة: محطة رجوعي//الكاتبة تهاني بركات.

الجمعة، 24 يناير 2025

محطة رجوعي//الكاتبة تهاني بركات.

  محطة رجوعي


كاتبة كلمة مستحيل

يملاها خوفي 

أو تكون شبح الرحيل 

جوه الليل الطويل

لسه حلمي بيك مسافر 

راسم جوه الضلمة نور

شمسه خايفه يوم تبور

عدّيت عشانه ألف سور

جوه حلمي جناح مكسور

لسه بيعافر يقوم 

يلحق القطر الأخير

رغم صفارة مواجعه

رغم إن الكل سامعه

و الزمان لوّن ملامحه

مين هيغير تاني حلمه

و جوه قلبه شيء جميل 

عدت سنين

زاد الحنين 

عند شباك التذاكر

بعت عمري 

للي رايح و اللي راجع

عند شباك التذاكر

ألف قصة للمواجع

اللي ضحى بحلم عمره

و اللي واجه يوم وجيعته

و اللي عافر رغم يأسه

كل واحد له حكايته

عند شباك التذاكر 

ألف سر و ألف ليل

كله ناوي ع الرحيل


الكاتبة 

تهاني بركات.

24/1/2025




ليست هناك تعليقات:

إرسال تعليق

نفحات النصف ودعوات الرشاد//الشاعر مصطفى رجب

 ( نفحاتُ النصف ودعواتُ الرَّشاد)  يا ليلةَ النِّصفِ في شعبانَ يا أمَلا يا نفحةَ الخيرِ في الأكوانِ قد نَزَلا فيكِ القلوبُ إلى الرحمنِ قد زَ...