قالت كمل
ارسم كل ملامح وشي
وقول من الاول
اكتب كل حروفك ليا
اوعاك تمشي
يلا يا شاعر
كمل ..اطرح..اجمع
خلي كل كلامك يبدع
فيه واحد بيجمل
بيكمل الناقص بلبسه
فيه لبس بيجمل صاحبه
بيكمل رسمه
ماهو الاحساس مش واحد
اللي يحسك مش شرط
انت كمان هتحسه
اقسم واطرح
اوعاك وانت معايا تغيب
انا جواك اياك تسرح
اصلك مخلوق تداوي جروح
مش طبعك انك تجرح
اكتب يلا عاشقة حروفك
حاول تمسح دمعة حزينه
أخرج يلا بدل خوفك
يلا يا شاعر
ترجم كله يلا بصوتك
طلع كل المخزون فيا
انا حساك
انا قابلك بكل ظروفك
الكاتب
أحمد عبدالحق.
12/2/2025
ليست هناك تعليقات:
إرسال تعليق