آه فرعون
اللي تقول عليه موسى
تلاقيه فرعون...
آه فرعون.....
الأخ مبقاش اخ
لما قتل اخوه واستحل
حرمة بيته
اخد ماله ومراته
وفي الزمن دة كله بيهون.....
مستغربين لااااا متستغربوش.....
كلها بتغير وشوش....
النهاردة بوش وبكرة بوش
واللي يعيش يامايشوف.....
بس هتعدي وهنعيش....
حتي لو هنعشها مع الدراويش...
اصل اللي يجي في الريش بقشيش....
وطلعنا في الاخر ونزلنا على مفيش....
اللي مش من دمك اوعي يهمك
اصل لو فيه الخير مكنش رماه الطير
متصدقيش كلة ياماما.....
لو الغريب قالهالك دا المستخبي
فى القلوب ياما.....
اللي مش منك قوله الله يسهلك
في اللي جاي أنت مش معنا
اللي يقولك يااختي..
قوليه مليش اخوات....
وزمن الاصل الطيب عدي وفات....
وفي ديلة سبع لفات.....
اصل الضمير خلاص مات.....
ياما مرت علينا حكايات.....
تشيب الراس وتتعمل روايات....
هنحكيها وتتغني على الربابه
لحد الممات....
لسه فاضل ايه يازمن هااات.....
ليه ياصاجبي تخون عهدي...
تاكل عيشي وملحي وفي ظهري تجرحني....
ليه مستكتر عليه الفرح دا ربنا
مقسم الارزاق
ويمكن اللي عندك اكتر
من اللي عندي...
والطمع يقل ماجمع
دنا على الله حكايتي....
يارب على حسن نيتي
تعوضني وتصبرني....
اختارتك من بين العالم
تكون حبيب.....
وقولت لسه ليه في الفرح نصيب...
اتحامي في ضلك من غدر الزمن..
وقولت تداوي جرحي....
سكبت الملح علي جروحي فينك
ياطبيب....
قولت افرح معاك وتفرحني....
زودت همي و جرحي.....
سبتني وحيدة اكلم نفسي...
ايه ذنبي....
علشان حبيتك واخلصت وعمري في يوم ماقصرت....
صبرني ياربي...
مبقاش فيكي يادنيا حاجه تفرح....
غير اننا نطاتي للريح ونسوح.....
علشان نعيش ونقدر نتحمل...
تلطيشك فينا..
ارحمينا وهدي اللعب
شويه قبل العمر مايروح....
شبعنا يادنيا ضرب كفوف...
أخدتي راحة بالنا.....
وكل مانعيش نقع ونقوم
ومنك ياما هنشوف....
سلمنا قلوبنا لأجل مانتعب ونتهان
يادي الكسوف.....
عشنا الوهم وصدقناه...
ومع احزانا وآلامنا بنلف
الدنيا ونطوف....
ومشينا بدل الخطوة الوف....
وتعبنا من الترحال بندور على مرسي
يتحقق فيها المحال ونلاقي نضافه نفوس....
الشاعرة
حسنة محمد.
11/5/2025
ليست هناك تعليقات:
إرسال تعليق