الشحاذ
انا شحاد وظروفي عسيري
وشايف هالدني قد الفطيري
بشحد عطف من قلب المحجر
بشحد رقة الصخرة الكبيري
انا شحاد بشبه ظل ابحر
عا مركب وهم تا يحضى بجزيري
فيها تا يحقق حلم فسر
غموضو يوسف بمصر الشهيري
انا شحاد بشحد دم احمر
من شرايين امي العا سريري
ماتت تا تلاقي رب أكبر
من نفوس ل بيعالمنا صغيري
انا شحاد بشحد ملح أمطر
بدموع الغيم عا نهور الغزيري
انا شحاد وعم بشحد السكر
من شهد اللي سلبوه بقفيري
انا شحاد قاصد ركب صفر
تا سافر مع قدر وجهة مسيري
عا موطن يحضن المتلي معتر
حتى بموطني ما ضل أصرخ
انا شحاد وظروفي عسيري
الكاتب
د٠ المحامي يوسف الدباك جعجع
/ لبنان
ليست هناك تعليقات:
إرسال تعليق