حِتَّة بقرشين
آه يا عين .. آه يا عين ،
راحت فين
الحِتَّة أم قرشين
اللي كانت الميزانية
غدا وعشا يومين
هي سبب أسعار
و أييه الحوار
البركة راحت فين
يا ما شرينا بيها
واتفسحنا يوميها
ذا الأسرة اللي
كانت معاها
مكنش حد قدِّيها
ويقولولك بأعلى صوت
هوا أنت متعرفش
أنت بتكلم مين
تعالى يا فاطمة
أو أنت يا واد يا حسين
وخِف رِجلك شوية
هات لنا للبيت خزين
سكر وزيت ورز
ومن اللحمة رطلين
وعدِّي عل عمك وخالك
وشويه من اصحابك
ياكلوا معانا ليلتين
ذا البركة كتيرة خالص
والكل هيبقى هايص
متنساش
في عزق الغيطين
ذا احنا ياما خذنا منهم منهم
واللي في أيدينا في أيدهم
وبهايمنا هيَ بهايمهم
ولو قعدنا في بيوتهم
متعرفش مين فينا
صاحب البيت هوا مين
أنا فاكر صاحب ابويا
لمَّا كان ييجي عندنا
وأبويا غايب وييجي
يلاقيه قاعد في وسطنا
كان زي أبويا تمام
بحنيتو يلمّنا
ونقعد على حِجْرو
زي خالنا وعمّنا
الأخلاق ما هي كانت زين
الراجل راجل بحق
كانت الكلمة بصدق
مؤدب حتى في العشق
يدخل البيت من بابه
ويا دوب المهر جنهين
وجهاز العروسة بيتشال
على راس خالة وعمتين
ما هو ذات تشت
وانْجَر وحق وصحنين
ما هو العريس ليه تمن
بيسد على مرَّ الزمن
بيصرف على بيته
من عرق الجبين
وشرفه هيَ كلمته
وبيته من طين
بس قلبه لونه أبيض
وراضي لو عندو قراطين
فين فين
الله يرحمك
يا حتة بقرشين
الكاتب
رمضان محمد محمود
31.5.2021
ليست هناك تعليقات:
إرسال تعليق