قلبي اللي حبك
مش ناسيك
************
حبيبي تعالَ
صبّح عليَّ
وقول لي إيه
ياملاكي فيك
كده ماتسألش عليَّ
وانا مش عارف
فين أراضيك
لو زعلان مني
كنت عاتبني
وانا عارف
ازاي ارضيك
واقولك حقك عليا
حتى لوكان
الحق عليك
تعرف؟ سألتني
عليك عينيا
وحشها ومشتاقة ليك
دي مابتتحملش
بعادك ثانية
ولما تغيب
بتموت عليك
مين أساك
بعد الحنية
دي كانت
أجمل حاجة فيك
ولاعشان عارف
مابتهونش عليا
ومهما تبعد بحن ليك
وانك عندي
حاجة تانية
وبالغالي بشتريك
ولا فيه شيء
في الدنيا ديا
أغلى عندي
من حبي ليك
دانا مهما طال
بعدك عليا
قلبي فاكرك
مش ناسيك
غصب عني
ومش بإيديا
حبك في قلبي
كل يوم عن
يوم بيزيد
ويوم ماهتشوفك
عينيا
هيبقى عندي
أحلى عيد
حبيبي تعالى
قرب شوية
يلا قوام
ماتبقاش عنيد
الكاتب
محمدأبوالحسن
11/6/2021
ليست هناك تعليقات:
إرسال تعليق