حلوة اللعبة.....
مش هاعمل نفسي بعدت بعيد
ولا هاعمل نفسي أني نسيت
أرجع تاني أحكي في حواديت...
مرة الفارس حب أميرة
و لف عشانها ألف جزيرة
بس عازوله كان مكار
أسره بلعبة و سحر و زار
فرق بينهم و محا حكايتهم
بس قلوبهم لسه خضار.....
طيب تيجي نقول أسرار !!
و نرسم شجرة و جنبها دار
حلوة اللعبة ليه تحتار ؟!....
طيب تيجي نروح على ليلى
نسمع قيس و يقول أشعار....
طيب تيجي نروح على الجن
أصل صراحة دي حاجة تجن....
قلبي في بعدك دليله احتار
رافض يقبل تاني أعذار....
تيجي نخلي ليلنا نهار
و قمرنا يسكن على الأشجار
و تجري سفينتي في الأنهار
سفينتي شراعها صابه إعصار
لما الحساد نفخوا في النار....
تيجي نعمل فيها ثوار
نثور ع الدنيا و نعيش أحرار
خلينا نطير خلف الأسوار
و ننزل بنهاية لقصتنا.....
تيجي نحلي مرار دنيتنا
و أعمل إني نسيت حكايتنا....
الكاتبة
تهاني بركات
31.8.2021
ليست هناك تعليقات:
إرسال تعليق