....لله يازمري.....
شاعر انا مغمور
والشعرُ فيه بحور
والشط فين القاه
........
عمال الف وادور
في ساقيه زي الطور
من حمله كل قفاه
.........
في الشعر انا مزروع
قلبي انقطع م الجوع
والغنوة مش عجباه
..........
غنيت وقلت الآه
ملاقيت لقلبي دواه
والشمس حرقت حروفي
والضل بستناه
.........
باشعر بكل الناس
ودموعي تملي الكاس
أبدرها في دفتري
وأملي منها الدواه
..........
دمعي ملي المحبره
قلبي صبح قنطره
والناس بتعلا وتتقدم
وانا بنزل وب أجيب وره
.........
شاعر وحالي حال
بأغني وأقول موال
والناس تنظر لحالي
وميبطلو نقوره
........
بأهني في الزغاريت
وأواسي لو فيه صويت
ولو وقعت ما الاقي
ولا عطف ولا معزره
.........
شاعر بحال الناس
وحسيس قوي وحساس
وبمشي بحساب ومقاس
ولا حد قال ايه جره
........
شاعر ومالي الفيس
فاتح بيبان وهويس
والدنيا صبحت فؤاده
وبقيت انا عتريس
وشووني زي الدره
.......
شاعر بقى وخلاص
ماعندي غير أخلاص
ربي اللي عالم بحالي
وهو اللي راح يستره
...........................
الكاتب
رمضان عبد الباقي. الاسكندريه
19....5....2021
ليست هناك تعليقات:
إرسال تعليق