....................فدانين خضرة وترعه ...................
نفسي أعيش عيشه جدودي........... قبل مالراديو يبان
فدانين خضره وترعه ..........وعنزتين مع جدي ضان
وفرختين نستني بيضهم.....وديك يكاكي ساعه الاذان
وزير كبير جواه زلط............وتحته نجاعه خشبها زان
وقله مربوطه بدباره.متعلقه في فرع شجره من لودان
وبيت كبير مبني بطين............دافيه فيه كل الحيطان
في الشتاء يخدك في حضنه ......تدفي وتحس بامان
وفي الصيف رطب طراوه.........تكييف رباني الجدران
والكانون والفرن بره ...........جنبه برده فرن الجيران
والولاد تروح لسيدنا.....................كتاب يعلمهم قرءان
والمزين ياخدله بيضه...................أوكوزين دره سمان
واللبن محلوب في طاجن..............نبعته لابن الجيران
والجيران بعتين فطيره..........سخنه طازه اعمل جعان
والخوجه كان صاحب رساله.. خرازنطه زي الصولجان
نفسي اعيش مع ناس غلابه.........حبهم من غير دهان
نفسي اشوف ضحكه عفيفه .......نفسي اشوف عطف وحنان
نفسي اشوف وشوش قديمه..........زي وش ناس زمان
نفسي اصحي الاقي نفسي......فالقصيده بافرش وانام
واللي فات والتكنولوجيا ......كان كابوس وانزاح تمام
الكاتب
رمضان عبدالباقي.
2021..9....2..
ليست هناك تعليقات:
إرسال تعليق