وقف الزمن
في لحظة وقف الزمن
و اتخيلت أنا حالي
بره حدود نفسي
و رفضاني أنفاسي....
لقيت نفسي بصالي
و مجهزة كم شاهد
و محكمة و قاضي....
قفلت عليَّ الباب
و قالت يلا نتحاسب
هاتلي قلم و كتاب
و قلب في أفكارك....
كتبت علينا الوجع
و كان السبب أفعالك
ضيعت حقي كتير
خليك بقى في حالك
عملت فيها البطل
كترت أحزانك......
مين نصبك حارس
على الأصول بتقول
ومين عمل الواجب
طلع كمان أحكام
و احكم على أحبابك
الكل طبعه كدا
و أنت اللي مش ساكت....
رافض خطاوي الزمن
بدك تكون ساحر
قلب بقى في جعبتك
وجهز لنا جني
و كام ريشة على بابك....
وانفخ في نار الهوى
و انده على المارد
يمكن تعيد الزمن
و المحبة تعاود....
الكاتبة
تهاني بركات
٢ /١ / ٢٠٢٢
.jpg)
ليست هناك تعليقات:
إرسال تعليق