انا بعشق قلب ابويا بآناته
القلب الطيب الراضي بكل حالته
اهو قلب ابويا المتحصن عايش بالفطره
ومهندم وشه ومتزوق برضا ربه
البسمه عنوانه ...ومين زيه
نحت الشقا ....خده وبات بعرق جبين كده
علمني ازاي اكون نفسي وازاي
ف الدنيا اقوم واحبي واتعلم من بعديها
امشي وَأقف مسنود ف الملكوت
والنجم يكون ليا حبات العقد المفرود
حبات م الصبر علي ايد شقيانه ولسه بتدي
وحنيان الضهر مايهزش منه رغم الشيله
وتقل الايام علمني كتير علمني ارضي بقليله
علمني ابات من غير تفكير
في رب كبير ملك .... التدابير
واهي لم تشد ....شد لحاف الإيمان واتغطا
علمني الحكمه ....والكلمه تطلع ب ميزان
علمني الحق طريق .....والكدب غراب البين
طول عمره بيزعق ...ف الشر واخر السكه توهان
انا بعشق ....قلب ابويا بآ ناته
القلب الطيب الراضي بكل حالته
بفرح وانا بحضن ...نظراته
وبحبه بكمل .....نجاحاته
برضاه .....انا عايش مطمن
في سجودي ...بدعيله وآمن
يسعدلي ها القلب الطيب
الراضي بكل حالته
الكاتبة
شيرين ابوعميرة
1.8.2022
رووعة💐
ردحذف