عيب
عيب يابلد لما الولد
فيكى يبات مقهور
يحلف برأس أبوه
ليخلى أرضك بور
يهجر مكانه ويعدى
بدل البحر بحور
طمعان يلاقى الهنا
ويقابل بنات الحور
يكسب كنوز م المال
لو حتى عليه تجور
حيران مابين الضلمة
وبين بصيص النور
هجر الولد...... البلد
وغرق فى شربة مية
غلطان يااللى تسيب
وطنك وعليه تجور
قلت عليك ..... السند
وأنا بيك فرح وفخور
كده منك ألاقى الصدود
وعايش الحياة فى فتور
متحمل الذل والإهانة
قبل الفجر ......بفجور
أجير ياأبنى ...وغريب
ومهما تغيب ....هتعود
خربشات
قلم
نجاه شحاته
٢٧ سبتمبر ٢٠٢٢م
ليست هناك تعليقات:
إرسال تعليق