أناني يازماني
*****************
أنا اللي زماني أناني
خد مني ماداني
عملت خدي مداس
والكل عدّاني
ولامرة قلت ياناس
دماغي وجعاني
ولو فلقوني بفاس
ودمي صفّاني
مالقيت ف يوم إحساس
ولا حد نجاني
ودمي اللي سال شربوه
ومن خلص يقول تاني
بقى هو دا الإخلاص
ولا نفسي ظلماني
ماكان زيي زي الناس
إيه ع المر ودّاني
بكرة تشيب الراس
ولاقيني وحداني
ويروح خيري عندالناس
والكل ينساني
لكن ليا رب كريم
مش هينساني
اداني قلب سليم
عمري ما كون جاني
بقلوب عباده عليم
واحد مالوش تاني
محمدابوالحس
ليست هناك تعليقات:
إرسال تعليق