((بعيد عني وف النني))
**********
بعيد عني وف النني
هواك مرسوم
ومهما بداري وبخبي
شعور مكتوم
بيفضحني حنين كاسح
كأنه حسوم
وبفضل في الخيال
سارح في عز النوم
بذكرى مرت امبارح
وبتمنى جمالها يدوم
وبنسى أي شيء جارح
ماكان له لزوم
واقول أكيد هنتصالح
ونرجع يوم
مادام غصن الأمل طارح
قمر ونجوم
قلوبنا هتنسى وتسامح
ولافيه بينا عتاب ولالوم
والصدفة اللي جمعتنا
ترجعنا
ولا حد فينا م التاني
يعيش محروم
محمدابوالحسن
ليست هناك تعليقات:
إرسال تعليق