( منى الفؤاد )
.......
يا حضرة الروح
اللي ساكنة جوه مني
من يومين. فاتحه وأمين
بأادعي تكوني مؤمنه
وطيبه من طيبين
وقُرْيبة من قلب روح
بينها وبين الكون عمار
ان كان هنااااك ولا هنا
انتي مُنايا من المُنى
والوعد انتي والهنا
مُنى الفؤاد للي صبر
وسعد ايام الشجي
تايه بقالي كتييير قوي
مش لاقي غير بعض الخيال
عايش على حبْة صور
ايام تفووت واخده معاها
كل شيئ ماسيبه شيئ
زي اللي كنا بتلاقيه
لكن انتي يااااااه
لحظة ماتيجي وتشرقي
لحظة تهِلي بطلتك
صبْاري يطرح سُوسنة
عمري اللي كان
ياجــــي كاااام سنة
عاد من جديد
يلعب ف يوم العيد
مع ولاد حيينا
يمكن دا حلم وشدني
قبل اما اشوفك واسمعك
بتغني للموج والبحور
ياهل تري جنية انتي
ولا عادي زينا
خمسين سؤال
كان نفسي اقولهم
بس رحتي بعيد قوي
من غير جواااب
ولا وعد صَبْر وحشْتي
غير بحر احكي له الوجع
ويردني بسؤال غريب
ياحضرة العاشق
كفاك شكوى وروووح
مين اللي قالك
ان دا شط الغرام
جواب سؤالك مش هنا
مع حضرة الروح
اللي ساكنة
جوه منك من يومين
......................................
رووعة🌷
ردحذف