♥♡♥تاهت ملامحي♥♡♥
تاهت ملامحي تاهت
تاهت ملامحي مع الأيام
تاهت خلاص.تاهت
وأنا واقف أمام مرايتي محتار
مش قادر اعرف هيا دي ملامحي
ولا أنا مش أنا اللي عارفني
ياترى العيب فيا وﻻ العيب في مرايتي
وﻻ العيب في ما مر من زمني
ياترى مين يدلني دليلي إحتار
مين يوصفلي حدوتة حكايتي
مين يعرف يداويني ومين يملك الدوا
مين يفكرني بملامحي القديمة بعدما هوى منها ماهوى
هاجيب صوري القديمة أجمعها يمكن ألاقي في الأمر هدى
خلاص؛انا اللي عليا الملح والدوا
ما هانتظروا من غيري بعد أوقرب
بكرة هاخرج بملامح جديدة ليها العجب
مش مهم الملامح القديمة لا هاتنقص من مال وﻻولد
المهم أعرف فين ملامحي تورد وفين تتولد
ماهي الملامح مش شعر ودقن وشنب
الملامح هيا الاطلال والأثر
بإيه يفتكروني غير إنهم تحت اغصاني يتظللوا
#أحمد-خليل-إبراهيم
30/11/2022♥♡♥
ليست هناك تعليقات:
إرسال تعليق