(أنا لما باسمع شعر )
أنا لما باسمع شعر
جسمي بيأشعر
الشعر زى السوس
فى جسمي بينخور
أنا لما باسمع شعر
يوووووووه
بتوه
أبو الي عمل الشعر
عا الي عمل أبوه
خلاني مدمن شعر
وعقلي مني خدوه
بروح فى عالم تاني
و أغرق فى بحر غويط
مفهشى حد أناني
و لا غدر ولا تخبيط
وأسامح الي أذاني
وأمثل إني عبيط
أنا لما باسمع شعر
باحس إني بغير
مش يعني كره و حقد
الغيرة دى غير
ما أنا برده عندى مشاعر
عايزه تبوح و تطير
مقدرش أعدى يوم
من غير ما ألف بيت
ولا عيني تشوف نوم
لا تعبت ولا مليت
من كل بحور الشعر
الكامل ولا بسيط
أنا لما باسمع شعر
بحس إني طاير فى السما
فارد جناحى وحر
مابخفش غير من الهوى
بحس إني عليل
و الشعر هو الدوا
وبنسى كل همومى
و أعيش مع الكلمات
ألحنها بمفهومي
و أتمايل مع الأبيات
و أتخيل إنى ملك
برقص مع الملكات
ده الشعر زى الشبك
و أخره كل أهات
كلمات
هانى فتوح
ليست هناك تعليقات:
إرسال تعليق