تكسر الخاطر ياوطن
وعيوني لجلك #باجيه
والله منك مستحي
وماعندي غير #القافيه
دمعاتي لجلك گوطرن
بخدودي سَوَّن #ساجيه
ماعندي بس بُقچة عشگ
بُقچة سوالف #دافيه
من جيل سبعين الترف
جيل الگلوب #الصافيه
وبيوت من طين وتبن
وجدام ملحه و #حافيه
ومسامر الجوره الحلو
وحلام سهله و #كافيه
خجلان منك وك تبت
هاي القصيده #الغافيه
اعله چتاف نهرانك غفت
مثل الحمامه #اللافيه
تكسر الخاطر يا وطن
وعيوني لجلك #باچيه
الشاعر/
محمدكريم البديري
🇮🇶.
.jpg)
ليست هناك تعليقات:
إرسال تعليق