ماتت نخوتنا//الكاتب محمد ابو الحسن

 (ماتت نخوتنا)

          *********

   نخوتنا ماتت ياعرب

   وبقينا كلنا غدارين

  لوواحد فينا بينضرب 

  أخوه يهيص ويقول

             أجين

  ولاعاد شجب ولا عاد

             غضب

  وان طال كمان يقلعله     

              عين   

   وكلنا تحت الطلب 

   للأجنبي متشمرين

   وبقرتنا درة بتتحلب

   ومن لبنها محرومين

  وبلادنا بإدنا بتتخرب

  وولادنا بره مشردين

     وفلوسنا في أدين       

            الديابة 

       على خير بلادنا

          مكحوشين

     ومفيش مكان هنا      

            للغلابة

    غير بغايا وشحاتين

  كإننا عايشين في غابة 

 مفيهاش مكان للطيبين 

بحلم بيوم تنزل سحابة

   تمحي كل المجرمين

ولايبقى بينا حد خايف 

    ولاحد يبات مقهور

            حزين 

     ولااسمع تاني على      

            الشفايف   

  حسنة لله يامحسنين

الكاتب 

محمد ابوالحسن

16.11.2022