اغنية (غريب )
كلمات ادهم العوضى
ادهم عبده مجلى
الاغنيه مسجله مصنفات فنيه
انا اللى عشت يا دنيا غريب
من غير حبيب ولا ليا قريب
والدنيا عاشت تجرحنى
طول عمرها تاخد ما تجيب
★*★*★*★
خدت اعز الناس ليا
على بعدهم تبكى عنيا
وكل يوم اصبر واقول
دى سنين يا ناس ومعديا
★*★*★*★
فضلت احسب فى جروحى
واقول يا دنيا خلاص روحى
وسامحت كل اللى ظلمنى
زادت فى المى وجروحي
★*★*★*★
من غير ما اقول فيكى القسوه
واتاريكى يا دنيا ولا تسوى
حبيت ادارى فيكى يا دنيا
واختارتك انتى مع القسوه
★*★*★*★
اختارتك انتى يا دنيا بلاش
ماالقالش حبيب فيكى ماالقالش
يا ناس بلاش تجروا وراها
دى الدنيا فانيه وما تسواش
★*★*★*★
بجروحك القاسيه تجيبى
وترمى سهمك وتصيبى
فى الحزن تاهت ايامى
فى الفرح فين بس نصيبى
★*★*★*★
ع الصبر ياما صبرت كتير
تسقى فى مرار والجرح خطير
قلت المرار ده دواك ياجريح
شربتهونى من غير تفكير
★*★*★*★
يا دنيا انتى سبب همى
بتفرقى مش بتلمى
وجروحي فيكى كتير ياما
كتر الجروح خلص دمى
★*★*★*★
اغنية (غريب)
كلمات /ادهم العوضى
ادهم عبده مجلى
ليست هناك تعليقات:
إرسال تعليق