رباعيات مطرزه بفن الواو
كلنا مسافرين
كلنا ضيوف وحنمشي ........ من بعد واجب الضيافه
فيه ناس فكرينها خلود ........ ومش رايحين القرافه
عمال تفرز الناس .......... ده صالح وده. طالح
متخلي فيه أحساس ........... فكك بقا من المصالح
أرعي الضمير مع ربك ................ وحب كل الناس
اللي خلقهم رزقهم .................. ولا فرق فالاجناس
اللي يحبك حبه ..................لا تخونه ولا تكرهوش
واللي يقاطعك سيبه ............ لاتضره. ولا تأزيهوش
خليك ذوق يا أخي ................ وجرب تأخي الناس
جرب تعيش بمشاعر .............. جرب تكون حساس
جرب تصالح وتسامح ............... جرب تكون أنسان
بطل تخطط وترسم ............... عيش نعمه النسيان
سيب اللي عايز يعيش .............. في عشه متداري
بلاش تنكش فعشته .............. وانته اللي بيه داري
عايش تزاحم الناس .................... وتقول سيبوني
وتهين وتغلط فيهم ........................وتقول سبوني
وان حد حاول يعاتبك ................ تنهار وتغلط فيه
لعاتق كبير ولا صغير ............ ...... الكل شايط فيه
هو انته يابني نبي .........................ولا ولي صالح
ولا خواجه أجنبي ............. بحورك عزب علي مالح
عيش الحياه زي غيرك ........ نصيبك بس حيصيبك
وارعي الاهل والعشره ......... وسيبك من محاسيبك
يابو رجل جوه القبر ............... والتانيه بتجرها بره
أرعي الرحم بالصبر ................ وأحترم الكبير بره
لك يوم ياظالم حتندم ....... وتقول ياريتني ماجيت
خشبنا سوس وحن ................... للرقده فالتوابيت
واللي عايزهم يسيبوك ........... حيسيبوهالك بحالها
ولو فالقبر حيزحموك ................ خد المقابر بحالها
.........................
رمضان عبدالباقي الاسكندريه
٢٥.....٢.....٢٠٢٣
ليست هناك تعليقات:
إرسال تعليق