ألف دليل.....
أنا ليّا فيك سهمين
و رغم البعد و الحيرة
أنا عمري معاك ساعتين
و قلبي معاك بقى نصين
نص يحن للماضي و أفراحه
و طير أنا عشت بجناحه
و نص بيبكي على حاله
عنيد راضي بترحاله
خلاص ما بقتش أتحمل
نار الغيرة تنهشني
و لما تبص في النيني
عيوني أوام بتفضحني
و ملامحي ليه بتتغير
و العجز ييجي يحَمّلني
مرارة بعدنا تاني
صدر الحكم و اتنفذ
ما فيش فايدة م التأجيل
ما فيش حاجة هتتغير
لك عندي ألف دليل
سامحتك مرة علشاني
و مرة كمان عشان خاطرك
و مرة وراها كام مرة
زهقت معاك من التفاصيل
حقيقي تعبت م التمثيل
أرسم ضحكة على وشي
و أقول مكياجي هيغطي
ندوب جرحك القاسي
أتاري الجرح متدراي
ورا ضحكة ماليها الويل
تهاني بركات ٣ / ٥ / ٢٠٢٣
رووعاتك.. سلمت الانامل 🌹
ردحذف