ياأمي إنتي جنتي
***********
ياأمي إنتٍ جنتي
في الأرضِ قبل السما
دعوتك هي ثروتي
ورضاكِ عني كل المُنى
وانتٍ حياتي ودنيتي
من غيرك أسوَى إيه أنا
بدعيلك يا كل فرحتي
تعيشي كمان مليون
سنة
طول مااحنا عايشين
على حسك
حياتنا هتبقى سعد وهنا
*********
إتعذبتي كتير علشاني
وشاركتيني جميع
أحزاني
وكل هموم الدنياالفانية
تتبدّدوتكون حاجة تانية
لوخدتيني في حضنك
ثانية
************
وانا صغيّر كنت أناني
ولا حاجة
عجباني
حتى وانا في بطنك
جُوّه
كنت عاملِك فيها فْتوّة
إن كنت مقرفس
ولابرفّس
أي قاعدة مُش عجباني
وانتٍ من حبك وحنانك
كل دا ولا شاغل بالِك
حاجة واحدة بتشغل
قلبك
خايفة عليّ من عُزّالِك
ليحسدوني ويعِدُّوني
على عيالِك
************
نفسي في فرحة تطولها
إيدي
أكيد ساعتها هتفرحي ليَّ
وتبقى مني ليكٍ هدية
لما هشوف الفرحة في
عينك
قبل كمان ماتشوفهاعنيَّ
نفسي في يوم أغسل
أحزانك
واداويكٍ من كل
جراحك
واشوف الفرح ماليلك
قلبك
وسعيدة من كل كيانك
***********
لوملِّكُوني الدنيا بحالها
ترخصلِك ياأمي
وَهُبهالك
ودي تبقى مني أقل
هدية
ممكن ياأمي أقدِمهالك
وهيَ الدنيا من غيرك
تسوَى
داحنا حبِّينها يادوب
علشانك
**********
ياما وجودك بينا سعادة
والخيرعلى إيدك
ولمّابحب في يوم على
إيدك
تساوي مني شهر عبادة
بدعائك ربي هيكفيني
وهيرزقني وهيشفيني
ورضاكِ الجنة يوديني
ومن النار هينجيني
ياما انتِ ... نور عيني
الكاتب
محمدأبوالحسن
19/3/2021
رائع وجميل ماخطت يمينك🌹🥀🌹
ردحذف