تكسر الخاطر.. ياوطن
وعيوني..لجلك باچيه
والله منّك مســتحي
ماعنـدي غير القافيه
ضحيتلك عمري المضى
مابين زعلك… والرضى
هسه شبقالي؟ مو گضى
وحلامي تمّت حافيـــه
ياموطني شــفت العجب
اللـه اليعيـنك يا شــعب
يبعير…يل شــايل ذهب
عاگول حصتك صافيه !
شـوف الشعوب شعمرّت
وبكلشي تزهي.. تطوّرت
اوضـاعك انت تدهورت
والثــــوره نامت.. غافيه
بس بوگ تميّت… وقتل
قانون چنت انت العـدل
يافرع چنت انت الأصل
شمعة دِروبَك… طافيه!
والله مابطّـل ... أبد
بشعاري اسويلك مدد
من زغري ماخذ هالعهد
من…دنيا چانت دافيه
تكسر الخاطر.. ياوطن
وعيوني..لجلك باچيه
والله منّك مســتحي
ماعنـدي غير القافيه
الكاتب
محمدكريم البديري
30.8.2022
ليست هناك تعليقات:
إرسال تعليق