( شاغل الناس )
يا شاغل عيون الناس
فى الرايحه والجايه
تاهت عقولنا خلاص
إرحم بقى شويه
خف الدلال يا جميل
دا احنا عطاشه سبيل
بتعدى نهار أو ليل
الدنيا تدور بيا
واثق أوى ف نفسك
وماشى بخفه ودلع
ولما بدأ همسك
كل الكلام إتمنع
الكل يسمع ليك
متأثرين بعنيك
وإللى تشاورله إيديك
يبقى هناه الجدع
مالك قلوب الناس
سلطان وليك هيبه
الكلمه معاك بمقاس
لا زياده ولا عيبه
سكوتك عبر وعلام
ورموشك بتحكى كلام
لا علينا عتاب وملام
لو وصفونا حَبًيِبًه
محمد سيوفى
.jpg)
ليست هناك تعليقات:
إرسال تعليق