سيبتوني ليه ؟
سيبتوني ليه فى الدنيا وحيد ؟
سيتوني ليه من غير تمهيد ؟
دى الفرقة لهيب ونار بتئيد
طب سيبو إشارة
أو حتى رسالة
أقراها وقت ما أحس بضيق
مش سهل فراقكو
إختارتو تعيشو فى حضن الأرض
ما أنا حضني برده كان هيساعكو
طب كنتو خدوني معاكو
إيه لازمة عمري
وهاعيش إزاي من بعد
ما قطعو عني الحبل السري
إشهد يا قبر
إديتك أغلى ما عندى
يعني هيغلو على الي خلقني
سلمتك أطيب خلق الله
وقفلت بإيدى الباب
و دعيت الله
مافارقش تاني أحباب
وقريت الفاتحة
وسمعت صوت بيقول
الموت رحمة
هو يا قبر صحيح الموت بيريح
و أديني مروح
وشاورت بإيدي وقولت سلام
ولاعادش ينفع تاني كلام
غير إنى أدعي بقلبي
واتمنى الصبر على الأيام
كلمات
هاني فتوح
رووعة💐
ردحذف