ما تحبوا بعضكم
من ديوان (كلمات لها معانى مع اجمل الاغانى)
كلمات ادهم العوضى
أدهم عبده مجلى
★★★★★
قاعدين ليه ما تحبوا بعضكم
ساكتين ليه ما تبوحوا بحبكم
الحب جميل وحياة الليل
اجمل من اى حياه
ما تيلا نعيش ونخلى مفيش
لا جراح ولا كلمة اه
ونشيله فى ننى عينا
مش نبعد ويحايلنا
وقت ما يقطع وصالنا
تفتكروا عندكم
قاعدين ليه ما تحبوا بعضكم
★*★*★*★
الحب حاجات مش ويل واهات
ودموع بين الأحباب
لو بدنا نكون. أحباب هنصون
حبنا من اى عذاب
ونعيش للحب بجد
ولا يجرح دمعنا خد
لو نعرف منكوا الرد
راح نسعد قلبكم
قاعدين ليه ما تحبوا بعضكم
★*★*★*★
الحب ده شوق. وعسل بيدوق
طعمه كل اللى يعيشه
لو كان بيحب. يتمنى القرب
ويجيب ملحك على عيشه
ويوريك الحنان
فى الجاى ولا اللى كان
لو تبعد الزمان
هيقرب بعدكم
قاعدين ليه ما تحبوا بعضكم
★*★*★*★
الحب غرام. مش كله كلام
والشوق دايمأ بيبان
هيبان فى عنيك. وف لمس ايديك
والله حبيبى هيبان
ما تخبهوش يا حبيب
بين تبقى النصيب
مش جرح لأ طبيب
ده انا قلبى ملككم
قاعدين ليه ما تحبوا بعضكم
ساكتين ليه ما تبوحوا بحبكم
الكاتب
أدهم عبده مجلى
15.1.2023
رووعة🌹
ردحذف