طير
طير وماتحاولش ترجع
حتي لو صرخوا ونادوك
إبعد بعيد قد ماتقدر
وارفض لو حاولوا يجبوك
طير
كل اللي حاولوا يرجعوك
عاشوا سنين بيوجعوك
دلوقتي بس حسوا بيك
وبينوا الخير اللي فيك
كان فين زمان الحلو منهم
فات الآوان وبعدت عنهم
طير
طير و ماتصدقش منهم
شوفت ايه تبكي عشانهم
دا انت دوقت المر عنهم
والكبير باع فيك وكفي
والصغير قال ووفي
ولا يوم حد حس بيك
طير
طير وحتي من غير وداع
إوعاك تدور ع اللي باع
إنسي وإبدأ من جديد
إكسر الطوق الحديد
كنت فاكر بيكرموك
طلعوا كانوا بيخنقوك
بيجهزوا القفص التمام
تتحبس زى الحمام
تنطق يشدوا اللجام
طير وتوه وسط الزحام
طير
آمال محمد عبدالله الوغي
ليست هناك تعليقات:
إرسال تعليق