يا طيور وداع
حلمي اللي ضاع
للدنيا باع
وقال كفاية
ظلم ووجع
دمع وفراق
ماعدش باقي
لنا فيها غاية
سابقين خطاوي الزمن
عايشين بندفع التمن
علي ذنب مش عارفين مداه
دموع بحور وجع و أه
وليل طويل ونهار سراب
وحزن علي كل اللي غاب
والباقي ضاع وسط الضباب
الصمت خيم ع البيبان
كل اللي كان متخبي بان
نسيونا او بيمثلوا
هيفيد ب إيه لو يسألوا
دا وجعنا بيه مش موجعين
وصريخنا عالي و مش سامعين
أو سمعوا وعملوا مطنشين
هيفيد ب إيه لو يسألوا
يا زهور وداع عنا إرحلوا
في الجنه روحوا وكملوا
ع الأرض مش مكتوب لكم
هناك طريق مرسوم بكم
ويا الخليل أعظم كفيل
يا زهور وداع عنا إرحلوا
يا زهور وداع عنا إرحلوا
آمال محمد عبدالله الوغي
ليست هناك تعليقات:
إرسال تعليق